Aqtóbede týysynyń úiine qonaqqa kelgen 36 jastaǵy áiel, bank qosymshasyna onyń derekterin engizip, keiin baiqaýǵa tirkelýge selfi jasaiyq dep aldaǵan. Nátijesinde týysqanynyń atyna 2,5 million teńge nesie alǵan, - dep habarlaidy Tengrinews.kz agenttigi "Diapazon"-ǵa silteme jasap.
Basylym málimetinshe, áiel bank qosymshasyna derekter engizgen soń ózgeniń atyna rásimdeletinin uqqan. Telefonyn týysqanynyń betine aparyp, baiqaýǵa tirkelý kerek dep, selfi jasaýyn ótingen. Týysqany eshteńeden kúdiktenbei, sýretke túsip, telefondy ózine keri bergen. Nátijesinde qonaq týysqanyna 2,5 million teńge nesie rásimdegen. Bul aqshanyń bir jarym million teńgesin elektrondy lotereiaǵa salyp jibergen.
Zarechnyi turǵyny nesiesi bar ekenin bankten habarlasqan soń ǵana bilgen. Áiel jaǵdaidy bank menedjerlerimen birge sheship, olar nesielik ótinishte kórsetilgen nómirge habarlasqan. Al habarlasqan nomer kúieýiniń aǵasynyń áieliniki bolyp shyqty.
Aiyptalýshy sotta alaiaqtyq jasap, onyń atyna nesie alyp, aqshasynyń bir bóligin joǵaltyp alǵanyn moiyndaǵan. Sot ony eki jylǵa bas bostandyǵyn shekteýge úkim shyǵardy.
