Foto: QR UQK
Aqtóbe oblystyq politsiia departamenti 16 mln teńge nesie rásimdep, qaryzǵa batqan turǵynnyń oqiǵasyn aityp berdi. 37 jastaǵy turǵynǵa belgisiz bireý WhatsApp messendjeri arqyly habarlasqan, dep habarlaidy Aqtóbe oblystyq PD baspasóz qyzmeti.
Ol ózin qalany elektrmen qamtamamyz etetin «Energosbyt» kompaniiasynyń qyzmetkeri retinde tanystyrǵan. Sóitip jeke derekterdi tekseretinin, ol úshin uialy telefonǵa kelgen SMS-kodty aitýyn suraǵan. Jábirlenýshi dál sol jolmen kodty aitady.
— Kóp uzamai taǵy bir adam qońyraý shalady. Bul joly ózin kiberpolitsiia qyzmetkerimin dep tanystyrǵan. Alaiaq er adamnyń atyna nesie rásimdelip jatqanyn aitqan. Ony toqtatý úshin shuǵyl túrde qarama-qarsy nesie rásimdep, qarjyny «qaýipsiz shottarǵa» aýdarý qajet ekenin túsindirgen. Alaiaqtarǵa sengen azamat birneshe bankten nesie rásimdep, mobildi qosymsha arqyly jalpy somasy 16 million teńgeni belgisiz shottarǵa aýdarǵan. Qazir oqiǵaǵa bailanysty tergeý amaldary júrgizilip jatyr, — dep habarlady Aqtóbe oblystyq PD baspasóz qyzmeti.
Buǵan deiin habarlaǵanymyzdai, aqtóbelik zeinetker investitsiia salmaq bolyp, 4,7 mln teńge aqshasynan aiyryldy. Taǵy bir turǵyn áleýmettik jeli arqyly jas jigitpen tanysyp, ózine nesie rásimdegen.
