فوتو: قر ۇقك
اقتٶبە وبلىستىق پوليتسييا دەپارتامەنتٸ 16 ملن تەڭگە نەسيە رەسٸمدەپ, قارىزعا باتقان تۇرعىننىڭ وقيعاسىن ايتىپ بەردٸ. 37 جاستاعى تۇرعىنعا بەلگٸسٸز بٸرەۋ WhatsApp مەسسەندجەرٸ ارقىلى حابارلاسقان, دەپ حابارلايدى اقتٶبە وبلىستىق پد باسپاسٶز قىزمەتٸ.
ول ٶزٸن قالانى ەلەكترمەن قامتامامىز ەتەتٸن «ەنەرگوسبىت» كومپانيياسىنىڭ قىزمەتكەرٸ رەتٸندە تانىستىرعان. سٶيتٸپ جەكە دەرەكتەردٸ تەكسەرەتٸنٸن, ول ٷشٸن ۇيالى تەلەفونعا كەلگەن سمس-كودتى ايتۋىن سۇراعان. جەبٸرلەنۋشٸ دەل سول جولمەن كودتى ايتادى.
— كٶپ ۇزاماي تاعى بٸر ادام قوڭىراۋ شالادى. بۇل جولى ٶزٸن كيبەرپوليتسييا قىزمەتكەرٸمٸن دەپ تانىستىرعان. الاياق ەر ادامنىڭ اتىنا نەسيە رەسٸمدەلٸپ جاتقانىن ايتقان. ونى توقتاتۋ ٷشٸن شۇعىل تٷردە قاراما-قارسى نەسيە رەسٸمدەپ, قارجىنى «قاۋٸپسٸز شوتتارعا» اۋدارۋ قاجەت ەكەنٸن تٷسٸندٸرگەن. الاياقتارعا سەنگەن ازامات بٸرنەشە بانكتەن نەسيە رەسٸمدەپ, موبيلدٸ قوسىمشا ارقىلى جالپى سوماسى 16 ميلليون تەڭگەنٸ بەلگٸسٸز شوتتارعا اۋدارعان. قازٸر وقيعاعا بايلانىستى تەرگەۋ امالدارى جٷرگٸزٸلٸپ جاتىر, — دەپ حابارلادى اقتٶبە وبلىستىق پد باسپاسٶز قىزمەتٸ.
بۇعان دەيٸن حابارلاعانىمىزداي, اقتٶبەلٸك زەينەتكەر ينۆەستيتسييا سالماق بولىپ, 4,7 ملن تەڭگە اقشاسىنان ايىرىلدى. تاعى بٸر تۇرعىن ەلەۋمەتتٸك جەلٸ ارقىلى جاس جٸگٸتپەن تانىسىپ, ٶزٸنە نەسيە رەسٸمدەگەن.
