Aqtóbe qalasyndaǵy tehnikalyq qyzmet kórsetý stansalarynyń birinde jarylys bolyp, kúzetshi kóz jumdy. Bul týraly QR Tótenshe jaǵdailar ministri Iýrii Ilin Úkimet otyrysynan keiingi brifingide aitty, dep habarlaidy QazAqparat.
«Búgin tańǵy saǵat 4 kezinde Aqtóbedegi «Altair» tehnikalyq qyzmet kórseý stansasynyń jalpy aýdany 1000 sharshy metr bolatyn qosqabatty ǵimaratynda gazben aýa qospasynyń jarylysy boldy. Ǵimarattyń 600 sharshy metrdei bóligi qirady. Aldyn ala nusqa boiynsha boiynsha gaz ben aýa qospasy syrtqa taraǵan. Onyń ishinde sondaǵy kólikten de taraǵan», - degen ministr apat saldarynan kisi ólimi tirlegnin málim etti.
«Osy jerde áriptesimniń aqparatyn tyńdap otyrǵan kezde óńirlik departament basshysy maǵan shuǵyl aqparat berdi. Ǵimaratty kúzetken kúzetshiniń denesi tabylǵan. Úiindilerdiń arasynan arshyp alyndy. Ólim jaǵdaiy tirkelip otyr. Bul fakti boiynsha ári qaraiǵy tergeý men oqiǵa sebepteri týraly jeke habarlanady», - dedi ministr.
