اقتٶبە قالاسىنداعى تەحنيكالىق قىزمەت كٶرسەتۋ ستانسالارىنىڭ بٸرٸندە جارىلىس بولىپ, كٷزەتشٸ كٶز جۇمدى. بۇل تۋرالى قر تٶتەنشە جاعدايلار مينيسترٸ يۋريي يلين ٷكٸمەت وتىرىسىنان كەيٸنگٸ بريفينگٸدە ايتتى, دەپ حابارلايدى قازاقپارات.
«بٷگٸن تاڭعى ساعات 4 كەزٸندە اقتٶبەدەگٸ «التاير» تەحنيكالىق قىزمەت كٶرسەۋ ستانساسىنىڭ جالپى اۋدانى 1000 شارشى مەتر بولاتىن قوسقاباتتى عيماراتىندا گازبەن اۋا قوسپاسىنىڭ جارىلىسى بولدى. عيماراتتىڭ 600 شارشى مەتردەي بٶلٸگٸ قيرادى. الدىن الا نۇسقا بويىنشا بويىنشا گاز بەن اۋا قوسپاسى سىرتقا تاراعان. ونىڭ ٸشٸندە سونداعى كٶلٸكتەن دە تاراعان», - دەگەن مينيستر اپات سالدارىنان كٸسٸ ٶلٸمٸ تٸرلەگنٸن مەلٸم ەتتٸ.
«وسى جەردە ەرٸپتەسٸمنٸڭ اقپاراتىن تىڭداپ وتىرعان كەزدە ٶڭٸرلٸك دەپارتامەنت باسشىسى ماعان شۇعىل اقپارات بەردٸ. عيماراتتى كٷزەتكەن كٷزەتشٸنٸڭ دەنەسٸ تابىلعان. ٷيٸندٸلەردٸڭ اراسىنان ارشىپ الىندى. ٶلٸم جاعدايى تٸركەلٸپ وتىر. بۇل فاكتٸ بويىنشا ەرٸ قارايعى تەرگەۋ مەن وقيعا سەبەپتەرٸ تۋرالى جەكە حابارلانادى», - دەدٸ مينيستر.
