Aqtóbe ferroqorytpa zaýyty óńirdegi emdeý mekemelerine ottegi ballonyn toltyryp berip otyr, dep habarlaidy "Ult aqparat".
Aqtóbelik kásipkerler dári-dármek, qajetti preparattar men qural-jabdyq satyp alýǵa kómektesti. Al Aqtóbe ferroqorytpa zaýyty kún saiyn ottek ballondaryn tortyryp berýdi óz mindetine alǵan. 28-maýsymnan bastap 5,5 myńnan astam ottegi ballony toltyrylyp, aýrýhanalar men ýaqytsha ortalyqtarǵa jetkizildi.
«Olar bizden kómek suraǵan kezde, biz birden jaýap berdik. Búginde bizdiń qyzmetkerler, iaǵni, ottegi bóliminiń sheberleri táýlik boiy jumys isteidi. Eshqaisysy jumysyna shaǵymdanǵan emes. Óitkeni olar adam ómirin saqtap qalýǵa atsalysyp jatqanyn jaqsy biledi. Basqa tsehtar mundai jumystyń júrip jatqanyn estigende, áriptesterine kómekke jibere bastady. Qoldaý bildirgeni úshin alǵysymyzdy bildiremiz», – dedi «Qazhrom» TUK» AQ prezidenti Arman Esenjolov.
Aita keteiik, ottek ballondary jeke emhana janynan ashylǵan provizorlyq ortalyqqa, temirjol aýrýhanasy, Aqtóbe meditsina ortalyǵy men «Shaǵala» shipajaiyndaǵy provizorlyq ortalyqqa jetkizilip beriledi. Sonymen birge zaýyt ottek ballondaryn qosýǵa qajetti qural-jabdyqpen qamtamasyz etti.
«Zaýyt kómektesti, alǵys aitamyz. Bosaǵan ballondardy birden áketip, ottegi toly ballondardy jetkizip beredi. Jumysshylaryna basymyzdy iemiz. Olar dárigerlermen birge myńdaǵan adamnyń ómirin ólimnen arashalap qaldy», – dedi «Darý» klinikasyndaǵy provizorlyq ortalyqtyń bas dárigeri Izolda Kalandiia.
Aita keteiik, emdeý oryndaryna qajet bolǵan soń 130 ballon berildi. Zaýytta shamamen táýligine 300 ballon tortyrylady.
«Jumysshylar Bobrov qondyrǵylaryn jasap berdi. Temir jonýshylar ottegi jetkizýge arnalǵan qosalqy bólshekti tańdaýǵa jáne ony jasaýǵa kómektesti. Táýlik boiy tynymsyz eńbek etip júrgen jandarǵa rizamyz», - dedi
Aqtóbe meditsinalyq ortalyǵynyń bas dárigeri Rústem Isaev.
