اقتٶبە فەرروقورىتپا زاۋىتى ٶڭٸردەگٸ ەمدەۋ مەكەمەلەرٸنە وتتەگٸ باللونىن تولتىرىپ بەرٸپ وتىر, دەپ حابارلايدى "ۇلت اقپارات".
اقتٶبەلٸك كەسٸپكەرلەر دەرٸ-دەرمەك, قاجەتتٸ پرەپاراتتار مەن قۇرال-جابدىق ساتىپ الۋعا كٶمەكتەستٸ. ال اقتٶبە فەرروقورىتپا زاۋىتى كٷن سايىن وتتەك باللوندارىن تورتىرىپ بەرۋدٸ ٶز مٸندەتٸنە العان. 28-ماۋسىمنان باستاپ 5,5 مىڭنان استام وتتەگٸ باللونى تولتىرىلىپ, اۋرۋحانالار مەن ۋاقىتشا ورتالىقتارعا جەتكٸزٸلدٸ.
«ولار بٸزدەن كٶمەك سۇراعان كەزدە, بٸز بٸردەن جاۋاپ بەردٸك. بٷگٸندە بٸزدٸڭ قىزمەتكەرلەر, ياعني, وتتەگٸ بٶلٸمٸنٸڭ شەبەرلەرٸ تەۋلٸك بويى جۇمىس ٸستەيدٸ. ەشقايسىسى جۇمىسىنا شاعىمدانعان ەمەس. ٶيتكەنٸ ولار ادام ٶمٸرٸن ساقتاپ قالۋعا اتسالىسىپ جاتقانىن جاقسى بٸلەدٸ. باسقا تسەحتار مۇنداي جۇمىستىڭ جٷرٸپ جاتقانىن ەستٸگەندە, ەرٸپتەستەرٸنە كٶمەككە جٸبەرە باستادى. قولداۋ بٸلدٸرگەنٸ ٷشٸن العىسىمىزدى بٸلدٸرەمٸز», – دەدٸ «قازحروم» تۇك» اق پرەزيدەنتٸ ارمان ەسەنجولوۆ.
ايتا كەتەيٸك, وتتەك باللوندارى جەكە ەمحانا جانىنان اشىلعان پروۆيزورلىق ورتالىققا, تەمٸرجول اۋرۋحاناسى, اقتٶبە مەديتسينا ورتالىعى مەن «شاعالا» شيپاجايىنداعى پروۆيزورلىق ورتالىققا جەتكٸزٸلٸپ بەرٸلەدٸ. سونىمەن بٸرگە زاۋىت وتتەك باللوندارىن قوسۋعا قاجەتتٸ قۇرال-جابدىقپەن قامتاماسىز ەتتٸ.
«زاۋىت كٶمەكتەستٸ, العىس ايتامىز. بوساعان باللونداردى بٸردەن ەكەتٸپ, وتتەگٸ تولى باللونداردى جەتكٸزٸپ بەرەدٸ. جۇمىسشىلارىنا باسىمىزدى يەمٸز. ولار دەرٸگەرلەرمەن بٸرگە مىڭداعان ادامنىڭ ٶمٸرٸن ٶلٸمنەن اراشالاپ قالدى», – دەدٸ «دارۋ» كلينيكاسىنداعى پروۆيزورلىق ورتالىقتىڭ باس دەرٸگەرٸ يزولدا كالاندييا.
ايتا كەتەيٸك, ەمدەۋ ورىندارىنا قاجەت بولعان سوڭ 130 باللون بەرٸلدٸ. زاۋىتتا شامامەن تەۋلٸگٸنە 300 باللون تورتىرىلادى.
«جۇمىسشىلار بوبروۆ قوندىرعىلارىن جاساپ بەردٸ. تەمٸر جونۋشىلار وتتەگٸ جەتكٸزۋگە ارنالعان قوسالقى بٶلشەكتٸ تاڭداۋعا جەنە ونى جاساۋعا كٶمەكتەستٸ. تەۋلٸك بويى تىنىمسىز ەڭبەك ەتٸپ جٷرگەن جاندارعا ريزامىز», - دەدٸ
اقتٶبە مەديتسينالىق ورتالىعىنىڭ باس دەرٸگەرٸ رٷستەم يساەۆ.
