Aqtóbede Mirzoian kóshesi endi Álihan Bókeihanov kóshesi bolyp ózgertilýi múmkin. Ol úshin Respýblikalyq onomastika komissiiasynyń sheshimin oblystyq máslihat bekitýi kerek, dep habarlaidy QazAqparat.
Táýelsizdiktiń 25 jyldyǵyna orai Aqtóbe oblysynda birneshe kóshege jańa ataý berip, mán-maǵynasyz ataýlar jańartylatyn boldy. Bul sheshim ótken jyly qabyldanyp, jumys áli jalǵasyp jatyr.
«Aqtóbe qalasy boiynsha ideologiialyq turǵydan eskirgen, kónergen ataýlardy qazaqtyń dástúrli ataýlarymen almastyrýǵa onomastika sheshim qabyldady. Adam esimderi berilmeidi, tarihi tulǵalarǵa nemese arnaiy mereitoiǵa bailanysty kóshe ataýy jańarady. Osy jumysqa bailanysty Aqtóbe qalasynda jańadan ashylyp jatqan shaǵyn aýdandarǵa ataý berilip jatyr. Ataýsyz turǵan 216 kóshege qazaqtyń dástúrli ataýy berildi. Al ataýy eskirgen 35 kósheniń ataýy jańartylady. Onyń ishinde Mirzoian kóshesi bar. Mirzoian kóshesi endi Álihan Bókeihanov kóshesi bolady. Bul ataýlardyń bári respýblikalyq onomastikalyq komissiiaǵa jiberilip, oń tujyrymy alyndy. Uiǵarymy qolymyzda»,- deidi Aqtóbe oblystyq tilderdi damytý basqarmasynyń basshysy Gúlaiym Tólebaeva.
Aita keteiik, respýblikalyq onomastikalyq komissiia bekitken tizim endi oblystyq máslihattyń sessiiasynda qaralyp, bekitiledi. Bul 2018 jyldyń enshisinde.
