اقتٶبەدە ميرزويان كٶشەسٸ ەندٸ ەليحان بٶكەيحانوۆ كٶشەسٸ بولىپ ٶزگەرتٸلۋٸ مٷمكٸن. ول ٷشٸن رەسپۋبليكالىق ونوماستيكا كوميسسيياسىنىڭ شەشٸمٸن وبلىستىق مەسليحات بەكٸتۋٸ كەرەك, دەپ حابارلايدى قازاقپارات.
تەۋەلسٸزدٸكتٸڭ 25 جىلدىعىنا وراي اقتٶبە وبلىسىندا بٸرنەشە كٶشەگە جاڭا اتاۋ بەرٸپ, مەن-ماعىناسىز اتاۋلار جاڭارتىلاتىن بولدى. بۇل شەشٸم ٶتكەن جىلى قابىلدانىپ, جۇمىس ەلٸ جالعاسىپ جاتىر.
«اقتٶبە قالاسى بويىنشا يدەولوگييالىق تۇرعىدان ەسكٸرگەن, كٶنەرگەن اتاۋلاردى قازاقتىڭ دەستٷرلٸ اتاۋلارىمەن الماستىرۋعا ونوماستيكا شەشٸم قابىلدادى. ادام ەسٸمدەرٸ بەرٸلمەيدٸ, تاريحي تۇلعالارعا نەمەسە ارنايى مەرەيتويعا بايلانىستى كٶشە اتاۋى جاڭارادى. وسى جۇمىسقا بايلانىستى اقتٶبە قالاسىندا جاڭادان اشىلىپ جاتقان شاعىن اۋداندارعا اتاۋ بەرٸلٸپ جاتىر. اتاۋسىز تۇرعان 216 كٶشەگە قازاقتىڭ دەستٷرلٸ اتاۋى بەرٸلدٸ. ال اتاۋى ەسكٸرگەن 35 كٶشەنٸڭ اتاۋى جاڭارتىلادى. ونىڭ ٸشٸندە ميرزويان كٶشەسٸ بار. ميرزويان كٶشەسٸ ەندٸ ەليحان بٶكەيحانوۆ كٶشەسٸ بولادى. بۇل اتاۋلاردىڭ بەرٸ رەسپۋبليكالىق ونوماستيكالىق كوميسسيياعا جٸبەرٸلٸپ, وڭ تۇجىرىمى الىندى. ۇيعارىمى قولىمىزدا»,- دەيدٸ اقتٶبە وبلىستىق تٸلدەردٸ دامىتۋ باسقارماسىنىڭ باسشىسى گٷلايىم تٶلەباەۆا.
ايتا كەتەيٸك, رەسپۋبليكالىق ونوماستيكالىق كوميسسييا بەكٸتكەن تٸزٸم ەندٸ وبلىستىق مەسليحاتتىڭ سەسسيياسىندا قارالىپ, بەكٸتٸلەدٸ. بۇل 2018 جىلدىڭ ەنشٸسٸندە.
