Aqtóbede janar-jaǵarmai tasityn kólik jarylyp, úsh adam aýrýhanada jatyr. Kólik júrgizýshisi oqiǵanyń qalai bolǵanyn aityp berdi, dep habarlaidy QazAqparat tilshisi.
Aqtóbedegi óndiristik aimaqta janar-jaǵarmai kóligi jarylyp, úsh adam zardap shekti. Oblystyq jedel járdem aýrýhanasynyń bas dárigeri Sáken Qapanovtyń málimdeýinshe, eki naýqas jansaqtaý bóliminde jatyr. Al búgin aýrýhanada kólik júrgizýshisiniń de jatqany belgili boldy.
«Men aýrýhanada jatyrmyn, qulaǵym jáne qolymda kúiik bar. Túnde dene qyzýym kóterilip, mazam bolmady. Oqiǵa bolǵan kúni janar-jaǵarmai quiý kóliginiń janynda eki operator jumys istep, qaýipsizdik erejesi boiynsha men olardy baqylap turdym. Birinshi syiymdylyqtaǵy benzin quiylyp, operatorlar ekinshisine kiristi. Sol kezde kenetten jarylys boldy. Operator Serikbai Palvanovtyń kiimi órtenip, júgire bastady. Men óz ústimde janyp jatqan kiimdi sheship, Serikbaidyń kiimderin julyp, sheshindirdim. Artyma qarasam Zibagúl de janyp jatty. Órttiń qalai shyqqanyn aita almaimyn»,- dedi zardap shekken júrgizýshi Bolat Sársenov.
Aita keteiik, zardap shekkender oblystyq jedel járdem aýrýhanasynda tegin em qabyldap jatyr. Arnaiy qurylǵan komissiia tergeý jumystaryn bastady.
«Kompaniianyń óz órt sóndirýshisi bar. Olar lezde iske kiristi. Al jedel járdem shaqyrylǵanymen, olardy kútip otyrmadyq. Biz medbikeni ertip alyp, Óz kóligimizben aýrýhanaǵa bardyq»,- dedi B.Sársenov.
