Kókjide ken ornynda qazir bes munai kompaniiasy jumys istep jatyr. Munai shyǵyp jatqan jerdegi tushy sýdyń naqty qoryn anyqtaýǵa 1,1 mlrd teńge qarjy kerek, dep habarlaidy "Ult aqparat".
Aqtóbede «Kókjide» tushy sý qory bar. Temir jáne Muǵaljar aýdandaryndaǵy sý qory Úkimet Qaýlysymen asa ekologiialyq, ǵylymi jáne mádeni jaǵynan mańyzdy retinde respýblikalyq jáne halyqaralyq mańyzy bar memlekettik tabiǵi-qoryqtyq qordyń geologiialyq jáne gidrogeologiialyq tizimine endi. Munda 2008 jyldan beri ekologiialyq zertteýler júrgizilip keledi. Zertteýdiń nátijesi boiynsha «Kókjide» qumdarynyń munai ónimderimen lastanǵany baiqalady.
«2008-2018 jyldary júrgizilgen zertteýlerdiń málimetteri boiynsha munai óndiretin kompaniialar «Kókjide» jerasty sýlarynyń sapaly quramyn jazda jáne kúzde lastap kelgen. Qazirgi tańda «SNPS-Aqtóbemunaigaz» AQ, «KMK Munai» AQ, «Ýrihtaý Opereiting» JShS, «Firma Ada Oil» JShS, «QazaqoilAqtóbe» JShS syndy bes munai kompaniiasy «Kókjide» jerasty sýlarynyń ken oryndarynda kómirsýtek shikizatyn barlap, óndirip jatyr. 2018 jyly shekti ruqsat etilgen kontsentratsiianyń artýy tek ShRK 10-M -2,63 uńǵymasynda ǵana anyqtalǵan. Aldaǵy ýaqytta QR Ekologiia, geologiia jáne tabiǵi resýrstar ministrliginde múddeli organdar men jer qoinaýyn paidalanýshylar qatysatyn jiyn josparlanyp otyr. Ol jerde «Kókjide» jerasty sýlarynyń problemalary sheshilmek», - dep habarlady oblys ákiminiń baspasóz qyzmeti.
Aita keteiik, oblystyq ekologiia departamenti biyl «KMK Munai» AQ men «Firma Ada Oil» JShS-ne tiesili uńǵymalardy tekserip, jerasty sýlarynyń munaimen lastanýyn tirkedi. «KMK Munai» AQ-nyń kelisimsharttyq jerlerindegi tórt baqylaý uńǵymasynda 1,3 shekti ruqsat etilgen kontsentratsiiadan (ShRK) 8 ShRK-ǵa deiin artqany, «Firma Ada Oil» JShS-de eki baqylaý uńǵymalary boiynsha 1,66 ShRK-dan 1,82 ShRK-ǵa deiin óskeni anyqtaldy. Aqtóbe oblystyq ekologiia departamenti ministrlikke birneshe usynys berdi. Sonyń biri - Aqtóbe oblysyndaǵy Kókjide ken ornydaǵy jerasty sýlarynyń eksplýatatsiialyq qoryn qaita baǵalaý maqsatynda tolyq barlaý. Biyl bul jumysqa 300 million teńge bólingen. Biraq jumys tolyq iske asýy úshin 1,1 milliard teńge qajet.
«Kókjide» qumdary aýmaǵynda kómirsýtek shikizatyn barlaý jáne óndirýdiń biryńǵai erejesin ázirleý, «Kókjide qumdary» men «Kókjide» jerasty sýlarynyń memlekettik tabiǵi-qoryqtyq qory nysandarynyń jaǵdaiyna monitoring júrgizý úshin biryńǵai operator bekitý, «Kókjide» jerasty sýlary ken ornynyń geologiialyq qurylysyn anyqtaý sharalaryn júrgizý, Jer qoinaýyn paidalanýshylardyń árqaisysyna jeke-jeke monitoringtik zertteý júrgizý usynyldy», - dep habarlady oblys ákiminiń baspasóz qyzmeti.
