كٶكجيدە كەن ورنىندا قازٸر بەس مۇناي كومپانيياسى جۇمىس ٸستەپ جاتىر. مۇناي شىعىپ جاتقان جەردەگٸ تۇششى سۋدىڭ ناقتى قورىن انىقتاۋعا 1,1 ملرد تەڭگە قارجى كەرەك, دەپ حابارلايدى "ۇلت اقپارات".
اقتٶبەدە «كٶكجيدە» تۇششى سۋ قورى بار. تەمٸر جەنە مۇعالجار اۋداندارىنداعى سۋ قورى ٷكٸمەت قاۋلىسىمەن اسا ەكولوگييالىق, عىلىمي جەنە مەدەني جاعىنان ماڭىزدى رەتٸندە رەسپۋبليكالىق جەنە حالىقارالىق ماڭىزى بار مەملەكەتتٸك تابيعي-قورىقتىق قوردىڭ گەولوگييالىق جەنە گيدروگەولوگييالىق تٸزٸمٸنە ەندٸ. مۇندا 2008 جىلدان بەرٸ ەكولوگييالىق زەرتتەۋلەر جٷرگٸزٸلٸپ كەلەدٸ. زەرتتەۋدٸڭ نەتيجەسٸ بويىنشا «كٶكجيدە» قۇمدارىنىڭ مۇناي ٶنٸمدەرٸمەن لاستانعانى بايقالادى.
«2008-2018 جىلدارى جٷرگٸزٸلگەن زەرتتەۋلەردٸڭ مەلٸمەتتەرٸ بويىنشا مۇناي ٶندٸرەتٸن كومپانييالار «كٶكجيدە» جەراستى سۋلارىنىڭ ساپالى قۇرامىن جازدا جەنە كٷزدە لاستاپ كەلگەن. قازٸرگٸ تاڭدا «سنپس-اقتٶبەمۇنايگاز» اق, «كمك مۇناي» اق, «ۋريحتاۋ وپەرەيتينگ» جشس, «فيرما ادا ويل» جشس, «قازاقويلاقتٶبە» جشس سىندى بەس مۇناي كومپانيياسى «كٶكجيدە» جەراستى سۋلارىنىڭ كەن ورىندارىندا كٶمٸرسۋتەك شيكٸزاتىن بارلاپ, ٶندٸرٸپ جاتىر. 2018 جىلى شەكتٸ رۇقسات ەتٸلگەن كونتسەنتراتسييانىڭ ارتۋى تەك شرك 10-م -2,63 ۇڭعىماسىندا عانا انىقتالعان. الداعى ۋاقىتتا قر ەكولوگييا, گەولوگييا جەنە تابيعي رەسۋرستار مينيسترلٸگٸندە مٷددەلٸ ورگاندار مەن جەر قويناۋىن پايدالانۋشىلار قاتىساتىن جيىن جوسپارلانىپ وتىر. ول جەردە «كٶكجيدە» جەراستى سۋلارىنىڭ پروبلەمالارى شەشٸلمەك», - دەپ حابارلادى وبلىس ەكٸمٸنٸڭ باسپاسٶز قىزمەتٸ.
ايتا كەتەيٸك, وبلىستىق ەكولوگييا دەپارتامەنتٸ بيىل «كمك مۇناي» اق مەن «فيرما ادا ويل» جشس-نە تيەسٸلٸ ۇڭعىمالاردى تەكسەرٸپ, جەراستى سۋلارىنىڭ مۇنايمەن لاستانۋىن تٸركەدٸ. «كمك مۇناي» اق-نىڭ كەلٸسٸمشارتتىق جەرلەرٸندەگٸ تٶرت باقىلاۋ ۇڭعىماسىندا 1,3 شەكتٸ رۇقسات ەتٸلگەن كونتسەنتراتسييادان (شرك) 8 شرك-عا دەيٸن ارتقانى, «فيرما ادا ويل» جشس-دە ەكٸ باقىلاۋ ۇڭعىمالارى بويىنشا 1,66 شرك-دان 1,82 شرك-عا دەيٸن ٶسكەنٸ انىقتالدى. اقتٶبە وبلىستىق ەكولوگييا دەپارتامەنتٸ مينيسترلٸككە بٸرنەشە ۇسىنىس بەردٸ. سونىڭ بٸرٸ - اقتٶبە وبلىسىنداعى كٶكجيدە كەن ورنىداعى جەراستى سۋلارىنىڭ ەكسپلۋاتاتسييالىق قورىن قايتا باعالاۋ ماقساتىندا تولىق بارلاۋ. بيىل بۇل جۇمىسقا 300 ميلليون تەڭگە بٶلٸنگەن. بٸراق جۇمىس تولىق ٸسكە اسۋى ٷشٸن 1,1 ميلليارد تەڭگە قاجەت.
«كٶكجيدە» قۇمدارى اۋماعىندا كٶمٸرسۋتەك شيكٸزاتىن بارلاۋ جەنە ٶندٸرۋدٸڭ بٸرىڭعاي ەرەجەسٸن ەزٸرلەۋ, «كٶكجيدە قۇمدارى» مەن «كٶكجيدە» جەراستى سۋلارىنىڭ مەملەكەتتٸك تابيعي-قورىقتىق قورى نىساندارىنىڭ جاعدايىنا مونيتورينگ جٷرگٸزۋ ٷشٸن بٸرىڭعاي وپەراتور بەكٸتۋ, «كٶكجيدە» جەراستى سۋلارى كەن ورنىنىڭ گەولوگييالىق قۇرىلىسىن انىقتاۋ شارالارىن جٷرگٸزۋ, جەر قويناۋىن پايدالانۋشىلاردىڭ ەرقايسىسىنا جەكە-جەكە مونيتورينگتٸك زەرتتەۋ جٷرگٸزۋ ۇسىنىلدى», - دەپ حابارلادى وبلىس ەكٸمٸنٸڭ باسپاسٶز قىزمەتٸ.
