Foto:depositphotos.com
Aqtóbe politsiiasy terrorizm aktisi týraly kórineý jalǵan habarlama taratý faktisi boiynsha sotqa deiingi tergep-tekserýdi bastady, - dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
"Qazirgi tańda quzyrly organdarmen birlesip, osy aqparatty taratqan tulǵalardy anyqtaýǵa baǵyttalǵan keshendi jumystar júrgizilip jatyr.
Bilim berý uiymdarynyń qaýipsizdigin qamtamasyz etýge, onyń ishinde beinebaqylaý arqyly jáne olarǵa jaqyn jerlerde politsiia jasaqtaryn kóbeitý arqyly kúsheitýge erekshe nazar aýdaryldy. Sondai-aq bilim berý uiymdarynda ótkizý rejimi baqylaýǵa alyndy", - deidi qalalyq politsiia basqarmasynyń bastyǵy Áset Qaliev.
Onyń aitýynsha, osyǵan uqsas jalǵan habarlamalar jyl basynda Resei Federatsiiasynyń birqatar qalasynda taraǵan.
"Bul habarlamalar halyq arasynda dúrbeleń týdyrý maqsatynda jasalǵan. Azamattardan arandatýshylyqqa boi aldyrmaýdy jáne sabyr saqtaýdy suraimyz! Jaǵdai quqyq qorǵaý organdarynyń baqylaýynda", - dedi ol.
