Aqtóbede memlekettik nómiri joq kólik júrgizip, joldyń qarsy baǵytyna shyqqan júrgizýshi ustaldy. Ol kópshilikten keshirim surady, dep habarlaidy QazAqparat.
Aqtóbe oblystyq politsiia departamenti joldyń qarsy baǵytyna shyǵyp, ereje buzǵan kólik júrgizýshisin tapty.
Áleýmettik jelige jariialanǵan materialǵa súiensek, kóliktiń memlekettik nómiri de bolmaǵan.
«Áleýmettik jelige monitoring jasaǵan politsiia qyzmetkerleri 9-jeltoqsan kúni belgisiz adamnyń «Lada 2170» markaly kóligimen jol erejesin buzǵanyn anyqtady. Júrgizýshi Ábilqaiyr han dańǵylynda qarsy baǵytqa shyǵyp ketken. Sonymen birge onyń memlekettik nómiri de bolmady. Politsiia qyzmetkerleri ony izdep taýyp, ákimshilik jaýapqa tartty», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, Ákimshilik quqyq buzý kodeks3yiń «Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵidalaryn buzý» babynyń besinshi bólimine sáikes 50 AEK kóleminde aiyppul salý kózdelgen.
Al «Kólik quraldaryn paidalaný qaǵidalaryn buzý» babynyń ekinshi bólimi boiynsha 10 AEK aiyppul kózdelgen.
