Foto: T.me/POLICE_of_KZ
Aqtóbe oblysyndaǵy jol apatynan soń jansaqtaý bólimine túsken balalardyń barlyǵy esin jidy. Degenmen jattyqtyrýshy áli kúnge deiin es-túzsiz jatyr, dep habarlaidy QazAqparat.
Apattan keiin jasóspirim voleibolshylardyń biri qaza taýyp, 8-i aýrýhanaǵa tústi. Olarǵa dárigerler shuǵyl ota jasap, elordalyq mamandar keńes berdi. Qazirgi kezde balalardyń bári esin biledi.
«Oblystyq balalar aýrýhanasyna 8 bala tústi. Onyń ekeýi qazirgi kezde em qabyldap, úiine jiberildi. Al 6 bala em qabyldap jatyr. Bireýi - hirýrgiia, beseýi - travmatologiia bóliminde. Bári de jansaqtaý bóliminen palataǵa aýystyryldy. Al Jedel meditsinalyq járdem aýrýhanasynda jatqan jattyqtyrýshynyń jaǵdaiy qalypty aýyr. Ol áli de esin jimady», - dedi oblystyq densaýlyq saqtaý basqarmasynyń basshysy Rústem Isaev.
Aita ketsek, osy kólik apatynan soń Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» baby boiynsha is qozǵalyp, sotqa deiingi tergeý júrip jatyr. Sonymen birge sport mektebiniń basshylary Qylmystyq kodekstiń «Salǵyrttyq», «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý» baptary boiynsha jaýap beredi.
