فوتو: ت.me/POLICE_of_KZ
اقتٶبە وبلىسىنداعى جول اپاتىنان سوڭ جانساقتاۋ بٶلٸمٸنە تٷسكەن بالالاردىڭ بارلىعى ەسٸن جيدى. دەگەنمەن جاتتىقتىرۋشى ەلٸ كٷنگە دەيٸن ەس-تٷزسٸز جاتىر, دەپ حابارلايدى قازاقپارات.
اپاتتان كەيٸن جاسٶسپٸرٸم ۆولەيبولشىلاردىڭ بٸرٸ قازا تاۋىپ, 8-ٸ اۋرۋحاناعا تٷستٸ. ولارعا دەرٸگەرلەر شۇعىل وتا جاساپ, ەلوردالىق ماماندار كەڭەس بەردٸ. قازٸرگٸ كەزدە بالالاردىڭ بەرٸ ەسٸن بٸلەدٸ.
«وبلىستىق بالالار اۋرۋحاناسىنا 8 بالا تٷستٸ. ونىڭ ەكەۋٸ قازٸرگٸ كەزدە ەم قابىلداپ, ٷيٸنە جٸبەرٸلدٸ. ال 6 بالا ەم قابىلداپ جاتىر. بٸرەۋٸ - حيرۋرگييا, بەسەۋٸ - تراۆماتولوگييا بٶلٸمٸندە. بەرٸ دە جانساقتاۋ بٶلٸمٸنەن پالاتاعا اۋىستىرىلدى. ال جەدەل مەديتسينالىق جەردەم اۋرۋحاناسىندا جاتقان جاتتىقتىرۋشىنىڭ جاعدايى قالىپتى اۋىر. ول ەلٸ دە ەسٸن جيمادى», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ.
ايتا كەتسەك, وسى كٶلٸك اپاتىنان سوڭ قىلمىستىق كودەكستٸڭ «كٶلiك قۇرالدارىن باسقاراتىن ادامداردىڭ جول جٷرٸسٸ نەمەسە كٶلiك قۇرالدارىن پايدالانۋ قاعيدالارىن بۇزۋى» بابى بويىنشا ٸس قوزعالىپ, سوتقا دەيٸنگٸ تەرگەۋ جٷرٸپ جاتىر. سونىمەن بٸرگە سپورت مەكتەبٸنٸڭ باسشىلارى قىلمىستىق كودەكستٸڭ «سالعىرتتىق», «بالالاردىڭ ٶمٸرٸ مەن دەنساۋلىعىنىڭ قاۋٸپسٸزدٸگٸن قامتاماسىز ەتۋ جٶنٸندەگٸ مٸندەتتەردٸ تيٸسٸنشە ورىنداماۋ» باپتارى بويىنشا جاۋاپ بەرەدٸ.
