Aqtóbede jol erejesin buzǵan júrgizýshi kóligimen birge kópirge keptetilip qaldy, dep habarlaidy QazAqparat.
Aqtóbe qalasyndaǵy Zarechnyi kópirinde jol-kólik oqiǵasy tirkeldi. DAF avtokóligiń júrgizýshisi kópirmen júrip, qatar kele jatqan mashinaǵa jol bermedi. Sol kezde Kia markaly kólik kópirdiń qorshaýyna keptetilip qaldy.
«Eshkimniń densaýlyǵyna zaqym kelmedi. Osy oqiǵaǵa bailanysty Qylmystyq is qozǵalyp, tergeý júrip jatyr. Oblystyq politsiia departamenti joldaǵy qakipsizdikti saqtaýǵa shaqyrady. Biyl 9 aida oblys joldarynda 391 jol-kólik oqiǵasy tirkelip, 68 adam qaza tapty. Taǵy 520 adam túrli jaraqat aldy»,- dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, jyl sońyna deiin oblys ortalyǵynda 452 «Sergek» ziiatkerlik kamerasy bar 79 apparattyq-baǵdarlamalyq keshen jáne qoǵamdyq qaýipsizdikti qamtamasyz etetin 2400 kamera ornatý josparlandy. Tek júrgizýshiler emes, jaiaý júrginshiler de jolda qaýip tóndiredi. Biyl 9 aida olardyń qatysýymen 120 jol-kólik oqiǵasy tirkeldi. Onda 12 adam qaza taýyp, 110 adam jaraqat aldy. Sonymen qatar, jol qozǵalysy erejelerin buzǵany úshin 8 myńnan astam jaiaý júrginshi men 2,7 myń júrgizýshi ákimshilik jaýapqa tartyldy.
Respýblikalyq jáne halyqaralyq mańyzy bar trassalarda 73 jol-kólik oqiǵasy tirkelip, onda 33 adam mert boldy. Jol apatynyń 82% astamy halyqaralyq mańyzy bar «Samara-Shymkent» jáne respýblikalyq mańyzy bar «Aqtóbe - Atyraý – RF shekarasy (Astrahan q.)» tiesili.
«Mas júrgizýshilerdiń kinásinen biyl 11 jol-kólik oqiǵasy tirkeldi. Onda 2 adam qaza taýyp, 16 adam túrli jaraqattar aldy», – dedi Atyǵai Arystanov. Sondai-aq, buryn kólik basqarý quqyǵynan aiyrylǵan 113 mas júrgizýshi qylmystyq jaýapqa tartyldy.
