Aqtóbede koronavirýs infektsiiasyna shaldyqqan naýqastarmen bir turǵyn úide turatyn adamdar ekspress-test tapsyrýda, dep habarlaidy "Ult aqparat".
«Jedel test Aqtóbege jetkizildi. Naýqas adamdar turǵan kópqabatty úidiń turǵyndarynan analiz alynyp jatyr. Kórshileri jedel test tapsyrdy. Jumys keshe bastaldy, búgin jalǵasyp jatyr», - dedi oblystyq Densaýlyq saqtaý basqarmasynyń basshysy Áset Qaliev áleýmettik jelide ótken tikelei efir kezinde.
Aita keteiik, Aqtóbe qalasynda kópqabatty úilerdiń tórt podezi jabyq tur. Ol úilerde shamamen 126 turǵyn baqylaýǵa alyndy. Aqtóbe oblysynyń biligi barlyǵy 24 myń jedel testke tapsyrys berip, satyp alǵan bolatyn.
Sońǵy málimetter boiynsha, óńirde virýsty juqtyrǵandardyń jalpy sany – 25 adam.
