Tótenshe jaǵdai rejimi engizilgen sátten bastap Aqtóbede úidegi karantindi buzǵany úshin 45 adam ákimshilik jaýapqa tartylǵan, dep habarlaidy "Ult aqparat".
45 adamnyń 15-i qamaýǵa alyndy. 9 azamatqa aiyppul salyndy, 9-na eskertý berildi. Sondai-aq 12 material sotqa joldandy.
«Oblys ortalyǵynda úidegi karantindi buzǵan adamdar sany artty. Sanitar mamandar, jergilikti atqarýshy organdardyń qyzmetkerleri jáne politsiia karantinge jabylǵan úilerdin turǵyndarymen túsindirý is-sharalaryn júrgizip jatyr. Úidegi karantinde jatqan adamdardy tekserý barysynda politsiia qyzmetkerleri qala turǵynyn páterinen tappady. 32 jastaǵy er adamǵa qatysty ÁQBtK-niń 476-babynyń 2-tarmaǵy boiynsha ákimshilik hattama toltyrylyp, mamandandyrylǵan ákimshilik sot 10 AEK-ke ákimshilik aiyppul saldy», - dedi oblystyq PD baspasóz qyzmetiniń jetekshisi Erbolat Sarqulov.
Aqtóbe oblystyq politsiia departamenti karantindi saqtaý talaptaryn oryndamaǵany úshin ákimshilik jaýapkershilik qarastyrylǵanyn eske salady.
Eger karantindegi adam basqa adamǵa virýs juqtyrsa, qoldanystaǵy zańnamada bul úshin qylmystyq jaýapkershilik kózdelgen.
