تٶتەنشە جاعداي رەجيمٸ ەنگٸزٸلگەن سەتتەن باستاپ اقتٶبەدە ٷيدەگٸ كارانتيندٸ بۇزعانى ٷشٸن 45 ادام ەكٸمشٸلٸك جاۋاپقا تارتىلعان, دەپ حابارلايدى "ۇلت اقپارات".
45 ادامنىڭ 15-ٸ قاماۋعا الىندى. 9 ازاماتقا ايىپپۇل سالىندى, 9-نا ەسكەرتۋ بەرٸلدٸ. سونداي-اق 12 ماتەريال سوتقا جولداندى.
«وبلىس ورتالىعىندا ٷيدەگٸ كارانتيندٸ بۇزعان ادامدار سانى ارتتى. سانيتار ماماندار, جەرگٸلٸكتٸ اتقارۋشى ورگانداردىڭ قىزمەتكەرلەرٸ جەنە پوليتسييا كارانتينگە جابىلعان ٷيلەردٸن تۇرعىندارىمەن تٷسٸندٸرۋ ٸس-شارالارىن جٷرگٸزٸپ جاتىر. ٷيدەگٸ كارانتيندە جاتقان ادامداردى تەكسەرۋ بارىسىندا پوليتسييا قىزمەتكەرلەرٸ قالا تۇرعىنىن پەتەرٸنەن تاپپادى. 32 جاستاعى ەر ادامعا قاتىستى ەقبتك-نٸڭ 476-بابىنىڭ 2-تارماعى بويىنشا ەكٸمشٸلٸك حاتتاما تولتىرىلىپ, مامانداندىرىلعان ەكٸمشٸلٸك سوت 10 اەك-كە ەكٸمشٸلٸك ايىپپۇل سالدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
اقتٶبە وبلىستىق پوليتسييا دەپارتامەنتٸ كارانتيندٸ ساقتاۋ تالاپتارىن ورىنداماعانى ٷشٸن ەكٸمشٸلٸك جاۋاپكەرشٸلٸك قاراستىرىلعانىن ەسكە سالادى.
ەگەر كارانتيندەگٸ ادام باسقا ادامعا ۆيرۋس جۇقتىرسا, قولدانىستاعى زاڭنامادا بۇل ٷشٸن قىلمىستىق جاۋاپكەرشٸلٸك كٶزدەلگەن.
