Foto: Polisia.kz
Aqtóbe oblysy PD Uiymdasqan qylmysqa qarsy kúres basqarmasynyń qyzmetkerleri iri aqsha somasyn bopsalaýshyny ustady, – dep habarlaidy Polisia.kz.
Qańtardyń aiaǵynda politsiiaǵa Aqtóbe qalasynyń turǵyny belgisiz adam dene jaraqatymen qorqytyp, 15 million teńge suraǵanyn aityp aryzdanǵan. Jedel is-sharalardy ótkizý barysynda arnaiy bólimshe jaýyngerleri kómegimen UQQKB qyzmetkerleri 34 jastaǵy er adamdy anyqtap, jábirlenýshiden aqshanyń bir bóligin alý kezinde ustaǵan.
Kúdiktiniń 2022 jyldyń sońynda bas bostandyǵynan aiyrý oryndarynan bosatylǵany, sol jerde osyndai qylmysy úshin jazasyn ótegeni anyqtaldy.
Al bul derekke qatysty QR Qylmystyq kodeksiniń 194-baby 3-bóligi boiynsha sotaldy tergeý bastaldy. Kúdikti tergeý izoliatoryna qamaldy.
