Foto: Polisia.kz
Aqtóbede ózin politseimin dep tanystyryp, turǵyndardy aldaǵan er adam bes jylǵa bas bostandyǵynan aiyryldy, dep habarlaidy Polisia.kz.
Aqtóbelik turǵyn politsei kiimin kiip, jurtty tonaǵan.
"Aldymen ol adamǵa jaqyndap, ózin politsiia qyzmetkerimin dep tanystyrǵan. Odan soń jeke kýáligin qaraimyn dep telefonynan tsifrlyq kýálikti kórsetýdi talap etken", – delingen materialda.
Ótirik politsei qujatty qaraimyn dep alǵan telefondy alyp qashyp ketken.
Ekinshi jaǵdaida qylmysker ótip bara jatqan adamnyń qymbat symsyz qulaqqabyn kórip, dál osylai áreket ete bastaǵan. Ol taǵy da ózin politseimin dep tanystyryp, dál osy qulaqqaptyń buryn urlanǵanyn aitqan, sodan soń IMEI kodyn tekserýdi suraǵan.
Artynsha ótirik politsei jigitti politsiia bólimine aparamyn dep taksi shaqyrǵan. Biraz ýaqyttan keiin jigit óziniń aldanǵanyn túsinip, júrgizýshiden toqtaýdy ótindi, biraq qaskói qashyp úlgergen.
Dese de ol tez ustaldy. Sot er adamdy bes jylǵa bas bostandyǵynan aiyrdy.
