Foto: Polisia.kz
Aqtóbe oblysynda politsiia qyzmetkerleri áleýmettik jelilerdi monitoringileý barysynda jasóspirimderdiń atys jáne sýyq qarý ustaǵan fotosýretterin anyqtady, – dep habarlaidy Ult.kz.
Atap aitqanda, TikTok áleýmettik jelisinde 16-17 jas aralyǵyndaǵy jasóspirimder tapansha tárizdi zattardy ustap túsken birneshe fotosýret jariialaǵan. Jedel-izdestirý is-sharalary nátijesinde alty jasóspirimniń jeke basy anyqtalyp, olar politsiia bólimine jetkizildi.
Tekserý barysynda anyqtalǵandai, olardyń beseýi – Aqtóbe qalasyndaǵy joǵary jáne arnaýly orta oqý oryndarynyń stýdentteri, al bireýi – aýdandyq mektepterdiń biriniń joǵary synyp oqýshysy bolyp shyqty.
Jasóspirimderdiń birinen gazdy tapansha tárkilendi. Tártip saqshylaryna olar bul áreketterge kontent úshin barǵandaryn, qorqytý men zorlyq-zombylyqty nasihattaý maqsatynda emes, tek qyzyǵýshylyqtan jasaǵandaryn túsindirdi.
Atalǵan fakt boiynsha kámeletke tolmaǵandarmen jáne olardyń ata-analarymen profilaktikalyq áńgimelesý júrgizilip, olar profilaktikalyq esepke alyndy. Jariialanǵan posttar joiylyp, jasóspirimder oqityn bilim berý uiymdarynda qosymsha túsindirý jáne aldyn alý sharalary uiymdastyryldy.
