Foto: ashyq derekkóz
Aqtóbe oblysynyń qylmystyq ister jónindegi mamandandyrylǵan aýdanaralyq sotynda alqabilerdiń qatysýymen adam óltirý faktisi boiynsha sottalýshy «K»-ǵa qatysty is qaraldy. Ol Qylmystyq kodekstiń 99-baby 2-bóligi 9) tarmaǵy — buzaqylyq nietpen adam óltirý boiynsha aiyptaldy, dep habarlaidy Ult.kz.
Oqiǵa qalai bolǵan?
Sot dereginshe, jábirlenýshi «M» saiabaqta júrgen kezde jolda ketip bara jatqan sottalýshy «K»-dan temeki suraǵan. Aiyptalýshy oǵan dóreki jaýap berip, taraptar arasynda janjal týyndaǵan.
Qaqtyǵys kezinde «K» qaltasynan pyshaq shyǵaryp, jábirlenýshige alty ret soqqy jasaǵan. Aýyr jaraqat alǵan azamat aýrýhanada kóz jumdy.
Sottalýshynyń kinási onyń óz kinásin ishinara moiyndaýy, jábirlenýshi ókiliniń jáne kýálardyń jaýaptary, saraptama qorytyndylary, beinebaqylaý jazbalary men ózge de dálelder arqyly tolyq dáleldendi.
Sot sheshimi
Jaza taǵaiyndaý kezinde sot:
– onyń jas balalarynyń bar ekenin — jeńildetetin mán-jai,
– qylmystyń qaýipti qaitalanýyn — aýyrlatatyn mán-jai retinde qarastyrdy.
Alqabilerdiń úkimimen sottalýshy «K» 20 jylǵa bas bostandyǵynan aiyryldy.
Sot úkimi áli zańdy kúshine engen joq.
