Aqtóbede tehnikalyq qyzmet kórsetý ortalyǵyndaǵy jarylystan soń qylmystyq is qozǵaldy, dep habarlaidy QazAqparat.
Aqtóbe qalasyndaǵy tehnikalyq qyzmet kórsetý ortalyǵynda qazir úiindi astynda qalǵan kólikterdi shyǵarý jumystary júrgizilip jatyr.
Oblystyq TJD bastyǵynyń orynbasary Qairat Qasymnyń aitýynsha, habar túsken kezde kórshi ǵimarattaǵy kúzetshiniń aitýymen izdeý-qutqarý jumystary júrgizilgen. Úiindi astynda qalǵan kúzetshiniń orny anyqtalǵan soń denesi shyǵaryldy.
«Barlyǵy 174 adam, 25 tehnika oqiǵa ornyna kelip, jumys istedi. Oqiǵa túnde bolǵan soń ǵimarat ishinde tek kúzetshi ǵana bolǵan», - dedi oblystyq TJD bastyǵynyń orynbasar Qairat Qasym.
Qazirgi kezde 11 avtokóliktiń úiindi astynda qalǵany belgili bolyp otyr.
«Aqtóbe oblysynyń Politsiia departamenti Qylmystyq kodekstiń «Órt qaýipsizdigi talaptaryn buzý» baby boiynsha sotqa deiingi tergeýdi bastady», - dedi oblystyq PD baspasóz qyzmeti.
