اقتٶبەدە تەحنيكالىق قىزمەت كٶرسەتۋ ورتالىعىنداعى جارىلىستان سوڭ قىلمىستىق ٸس قوزعالدى, دەپ حابارلايدى قازاقپارات.
اقتٶبە قالاسىنداعى تەحنيكالىق قىزمەت كٶرسەتۋ ورتالىعىندا قازٸر ٷيٸندٸ استىندا قالعان كٶلٸكتەردٸ شىعارۋ جۇمىستارى جٷرگٸزٸلٸپ جاتىر.
وبلىستىق تجد باستىعىنىڭ ورىنباسارى قايرات قاسىمنىڭ ايتۋىنشا, حابار تٷسكەن كەزدە كٶرشٸ عيماراتتاعى كٷزەتشٸنٸڭ ايتۋىمەن ٸزدەۋ-قۇتقارۋ جۇمىستارى جٷرگٸزٸلگەن. ٷيٸندٸ استىندا قالعان كٷزەتشٸنٸڭ ورنى انىقتالعان سوڭ دەنەسٸ شىعارىلدى.
«بارلىعى 174 ادام, 25 تەحنيكا وقيعا ورنىنا كەلٸپ, جۇمىس ٸستەدٸ. وقيعا تٷندە بولعان سوڭ عيمارات ٸشٸندە تەك كٷزەتشٸ عانا بولعان», - دەدٸ وبلىستىق تجد باستىعىنىڭ ورىنباسار قايرات قاسىم.
قازٸرگٸ كەزدە 11 اۆتوكٶلٸكتٸڭ ٷيٸندٸ استىندا قالعانى بەلگٸلٸ بولىپ وتىر.
«اقتٶبە وبلىسىنىڭ پوليتسييا دەپارتامەنتٸ قىلمىستىق كودەكستٸڭ «ٶرت قاۋٸپسٸزدٸگٸ تالاپتارىن بۇزۋ» بابى بويىنشا سوتقا دەيٸنگٸ تەرگەۋدٸ باستادى», - دەدٸ وبلىستىق پد باسپاسٶز قىزمەتٸ.
