Aqtóbedegi tehnikalyq qyzmet kórsetý ortalyǵynda gaz qosyndysy jarylyp, kúzetshiniń denesi tabyldy, dep habarlaidy QazAqparat.
Búgin saǵat 04:11-de kezekshi bólimine «Altair» janar-jaǵarmai beketiniń otqa oranǵany týraly aqparat túsken. Aqtóbe qalasy Smaǵulov kóshesinde ornalasqan beketke órt sóndirýshiler men qutqarýshylar qatar jiberildi.
«Órt sóndirýshiler oqiǵa ornyna jetkende «Altair» tehnikalyq qyzmet kórsetý stansasynda gaz qosyndysynyń jarylǵany anyqtaldy. Keiin aýmaǵy 600 sharshy metr bolatyn ǵimarat qirap, ortasyna túsken. Tehnikalyq qyzmet kórsetý ortalyǵyndaǵy jáne ornyń janynda turǵan 11 kólik búlindi. Aldyn ala boljam boiynsha, kóliktegi gaz ballony qurylǵysynan gaz shyqqan. Oqiǵa ornynda 136 adam men 16 tehnika jumys istedi. Keiin izdeý-qutqarý qyzmeti 1954 jyly týǵan kúzetshiniń denesin tapty», - dep habarlady oblystyq TJD baspasóz qyzmeti.
