اقتٶبەدەگٸ تەحنيكالىق قىزمەت كٶرسەتۋ ورتالىعىندا گاز قوسىندىسى جارىلىپ, كٷزەتشٸنٸڭ دەنەسٸ تابىلدى, دەپ حابارلايدى قازاقپارات.
بٷگٸن ساعات 04:11-دە كەزەكشٸ بٶلٸمٸنە «التاير» جانار-جاعارماي بەكەتٸنٸڭ وتقا ورانعانى تۋرالى اقپارات تٷسكەن. اقتٶبە قالاسى سماعۇلوۆ كٶشەسٸندە ورنالاسقان بەكەتكە ٶرت سٶندٸرۋشٸلەر مەن قۇتقارۋشىلار قاتار جٸبەرٸلدٸ.
«ٶرت سٶندٸرۋشٸلەر وقيعا ورنىنا جەتكەندە «التاير» تەحنيكالىق قىزمەت كٶرسەتۋ ستانساسىندا گاز قوسىندىسىنىڭ جارىلعانى انىقتالدى. كەيٸن اۋماعى 600 شارشى مەتر بولاتىن عيمارات قيراپ, ورتاسىنا تٷسكەن. تەحنيكالىق قىزمەت كٶرسەتۋ ورتالىعىنداعى جەنە ورنىڭ جانىندا تۇرعان 11 كٶلٸك بٷلٸندٸ. الدىن الا بولجام بويىنشا, كٶلٸكتەگٸ گاز باللونى قۇرىلعىسىنان گاز شىققان. وقيعا ورنىندا 136 ادام مەن 16 تەحنيكا جۇمىس ٸستەدٸ. كەيٸن ٸزدەۋ-قۇتقارۋ قىزمەتٸ 1954 جىلى تۋعان كٷزەتشٸنٸڭ دەنەسٸن تاپتى», - دەپ حابارلادى وبلىستىق تجد باسپاسٶز قىزمەتٸ.
