Foto: Massaget.kz / Nurzhan Rysbekov
Aqtóbede tasqynnan zardap shekkenderden ótinish qabyldaý merzimi aiaqtaldy. Shyǵynyn daýlaǵandar otyz kún ishinde aryzdanýy tiis edi, - dep habarlaidy «Ult aqparat» KTK telearnasyna silteme jasap.
Qalanyń eki aýdanyndaǵy ákimdikter de ótinish qabyldady. Astana aýdanynda sý kirgen úi sany elýge de jetpeidi. Al Almaty aýdanynda ótinish sany úsh jarym myńnan asqan. Arnaiy komissiia bul aýdandaǵy 35 baspanany turýǵa jaramsyz dep tanydy. Aldaǵy ýaqytta apatty úi sany taǵy da artýy múmkin deidi sheneýnikter.
Sebebi baǵalaýshylar men tehnikalyq baqylaýshylar bárin áli zerttep bolǵan joq. Zań boiynsha tasqynnan keiin otyz kún ishinde ótinish túsýi qajet. Odan keiin komissiia hattama toltyryp, shyǵyndy baǵalaityn mamandar qaraidy.
"Astana aýdany boiynsha 39 turǵyn úige ótemaqy tólendi. Almaty aýdany boiynsha 101 úige tólendi. Almaty aýdany boiynsha 35 úi degen aqparat bar. Jaramsyz. Ol aqparat ózgerýi múmkin. Sebebi qazir tehnikter jumys istep jatyr. Jumys aiaqtalǵan joq", - deidi Aqtóbe azamattyq qorǵanys jáne tótenshe jaǵdailar bóliminiń basshysy Bekzat Turǵaliev.
