Aqtóbede tanysyn pyshaqtaǵan destrýktivti dini aǵym jaqtaýshysy ustaldy, – dep habarlaidy "Ult aqparat" Polisia.kz saityna silteme jasap.
25 mamyrda birneshe jerden pyshaqtalǵan aqtóbelik azamat jedel járdemmen qalalyq aýrýhananyń hirýrgiialyq bólimshesine túsken.
Jedel tekserý jumystarynyń nátijesinde belgili bolǵandai, 29 jastaǵy er adam tanysymen janjaldasyp, onyń sońy tóbeleske ulasqan. Tanysy jábirlenýshini uryp-soǵyp, pyshaq jarqatyn salyp, oqiǵa ornynan qashyp ketken.
Atalǵan derek boiynsha QR qylmystyq kodeksiniń 106-baby 2-bóligimen is qozǵaldy.
"30 mamyrda Aqtóbe oblysy PD Ekstremizmge qarsy is-qimyl basqarmasynyń qyzmetkerleri arnaiy jasaq sarbazdarymen birlesip, jedel-izdestirý is-sharalary barysynda kúdiktini ustady. Onyń birneshe ret sottalǵany, destrýktivti dini aǵymnyń jaqtaýshysy ekendigi anyqtaldy.
Sonymen qatar Soltústik Qazaqstan oblysynyń politseileri kúdiktige urlyq úshin memleketaralyq izdeý jariialaǵany anyqtaldy.
Ustalǵan azamat alty jyldan on jylǵa deiingi merzimge bas bostandyǵynan aiyrý jazasyna kesilýi múmkin" - delingen portal usynǵan aqparatta.
