اقتٶبەدە تانىسىن پىشاقتاعان دەسترۋكتيۆتٸ دٸني اعىم جاقتاۋشىسى ۇستالدى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
25 مامىردا بٸرنەشە جەردەن پىشاقتالعان اقتٶبەلٸك ازامات جەدەل جەردەممەن قالالىق اۋرۋحانانىڭ حيرۋرگييالىق بٶلٸمشەسٸنە تٷسكەن.
جەدەل تەكسەرۋ جۇمىستارىنىڭ نەتيجەسٸندە بەلگٸلٸ بولعانداي, 29 جاستاعى ەر ادام تانىسىمەن جانجالداسىپ, ونىڭ سوڭى تٶبەلەسكە ۇلاسقان. تانىسى جەبٸرلەنۋشٸنٸ ۇرىپ-سوعىپ, پىشاق جارقاتىن سالىپ, وقيعا ورنىنان قاشىپ كەتكەن.
اتالعان دەرەك بويىنشا قر قىلمىستىق كودەكسٸنٸڭ 106-بابى 2-بٶلٸگٸمەن ٸس قوزعالدى.
"30 مامىردا اقتٶبە وبلىسى پد ەكسترەميزمگە قارسى ٸس-قيمىل باسقارماسىنىڭ قىزمەتكەرلەرٸ ارنايى جاساق ساربازدارىمەن بٸرلەسٸپ, جەدەل-ٸزدەستٸرۋ ٸس-شارالارى بارىسىندا كٷدٸكتٸنٸ ۇستادى. ونىڭ بٸرنەشە رەت سوتتالعانى, دەسترۋكتيۆتٸ دٸني اعىمنىڭ جاقتاۋشىسى ەكەندٸگٸ انىقتالدى.
سونىمەن قاتار سولتٷستٸك قازاقستان وبلىسىنىڭ پوليتسەيلەرٸ كٷدٸكتٸگە ۇرلىق ٷشٸن مەملەكەتارالىق ٸزدەۋ جارييالاعانى انىقتالدى.
ۇستالعان ازامات التى جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ جازاسىنا كەسٸلۋٸ مٷمكٸن" - دەلٸنگەن پورتال ۇسىنعان اقپاراتتا.
