Foto: Halyqaralyq kólik-gýmanitarlyq ýniversiteti
Aqtóbede Halyqaralyq kólik-gýmanitarlyq ýniversitetiniń qyzmetkeri alaiaqtyq áreketteri úshin jaýapqa tartyldy, dep habarlaidy "Ult aqparat" "Diapazon" basylymyna silteme jasap.
Ol stýdent bolǵysy keletin talapkerlerden aqsha alyp, óz qajettilikterine jumsaǵan. Alaiaq ózin ýniversitettiń ádiskeri retinde tanystyryp, qabyldaý jarnasyn jeke bank shotyna nemese qolma-qol túrde berýdi usynǵan. Birqatar jábirlenýshiler oǵan 100 myńnan 1,5 million teńgege deiin aqsha aýdarǵan. Alaida keiin olar ýniversitetke qabyldanbaǵanyn bilgen.
Sot osy áieldi kináli dep taýyp, jábirlenýshilerge aqshany qaitarýdy jáne 3 jylǵa bas bostandyǵynan aiyrýdy buiyrdy. Oblystyq sotta isti qaraý kezinde, sottalýshynyń jábirlenýshilerge keltirilgen zalaldy ótegenine bailanysty, jaza jeńildetilip, probatsiialyq baqylaý engizildi .
