Aqtóbeniń Hromtaý aýdany, Qopa jáne Tamdy aýyldarynda maldan aýrý shyqty. Qazirgi kezde synamalar zerthanaǵa jiberildi, dep habarlaidy QazAqparat agenttigi.
Buǵan deiin Aqtóbede iri qaradan infektsiialyq rinotraheit aýrýy anyqtalyp, 22 qarashada Alǵa aýdany, Bestamaq aýylynda shekteý sharasy engizilgen edi.
Búginde Hromtaý aýdanynyń Qopa jáne Tamdy aýyldarynda iri qaradan aýrýdyń tirkelgeni týraly aqparat tekserilip jatyr.
«Janýarlardan aýyz qýysynan silekei aǵý men aqsaý siiaqty klinikalyq belgiler baiqalǵan. Mal ieleri veterinarlyq dárigerlerdi kútpei, dúrbeleń týdyrǵan. Basqa adamdardyń keńesine qulaq asyp, ózderi diagnoz qoiyp, virýsqa qarsy preparattardy satyp alyp, malyn emdegen.
Búgin Nur-Sultan qalasyndaǵy Veterinariia boiynsha ulttyq referenttik ortalyǵyna qan men silekei synamalaryn jiberý úshin oblystyq Veterinariia basqarmasynyń jáne veterinariialyq stantsiianyń mamandary aýylǵa bardy. Sondai-aq veterinariialyq zerthananyń nátijeleri shyqqanǵa deiin halyq arasynda túsindirý jumystary júrgizilip, janýarlarǵa aýyz qýysyn óńdeýdi qalai júrgizý keregi kórsetiledi», - dedi oblystyq Veterinariia basqarmasynyń basshysy Qusaiyn Sársembai.
