اقتٶبەنٸڭ حرومتاۋ اۋدانى, قوپا جەنە تامدى اۋىلدارىندا مالدان اۋرۋ شىقتى. قازٸرگٸ كەزدە سىنامالار زەرتحاناعا جٸبەرٸلدٸ, دەپ حابارلايدى قازاقپارات اگەنتتٸگٸ.
بۇعان دەيٸن اقتٶبەدە ٸرٸ قارادان ينفەكتسييالىق رينوتراحەيت اۋرۋى انىقتالىپ, 22 قاراشادا العا اۋدانى, بەستاماق اۋىلىندا شەكتەۋ شاراسى ەنگٸزٸلگەن ەدٸ.
بٷگٸندە حرومتاۋ اۋدانىنىڭ قوپا جەنە تامدى اۋىلدارىندا ٸرٸ قارادان اۋرۋدىڭ تٸركەلگەنٸ تۋرالى اقپارات تەكسەرٸلٸپ جاتىر.
«جانۋارلاردان اۋىز قۋىسىنان سٸلەكەي اعۋ مەن اقساۋ سيياقتى كلينيكالىق بەلگٸلەر بايقالعان. مال يەلەرٸ ۆەتەرينارلىق دەرٸگەرلەردٸ كٷتپەي, دٷربەلەڭ تۋدىرعان. باسقا ادامداردىڭ كەڭەسٸنە قۇلاق اسىپ, ٶزدەرٸ دياگنوز قويىپ, ۆيرۋسقا قارسى پرەپاراتتاردى ساتىپ الىپ, مالىن ەمدەگەن.
بٷگٸن نۇر-سۇلتان قالاسىنداعى ۆەتەرينارييا بويىنشا ۇلتتىق رەفەرەنتتٸك ورتالىعىنا قان مەن سٸلەكەي سىنامالارىن جٸبەرۋ ٷشٸن وبلىستىق ۆەتەرينارييا باسقارماسىنىڭ جەنە ۆەتەرينارييالىق ستانتسييانىڭ ماماندارى اۋىلعا باردى. سونداي-اق ۆەتەرينارييالىق زەرتحانانىڭ نەتيجەلەرٸ شىققانعا دەيٸن حالىق اراسىندا تٷسٸندٸرۋ جۇمىستارى جٷرگٸزٸلٸپ, جانۋارلارعا اۋىز قۋىسىن ٶڭدەۋدٸ قالاي جٷرگٸزۋ كەرەگٸ كٶرسەتٸلەدٸ», - دەدٸ وبلىستىق ۆەتەرينارييا باسقارماسىنىڭ باسشىسى قۇسايىن سەرسەمباي.
