Aqtóbede kolledj ben ýniversitet stýdenti tóbelesip, biri ekinshisine pyshaq suǵyp aldy, dep habarlaidy "Ult aqparat".
Qylmystyq oqiǵa 3 naýryz kúni tirkeldi. Oblystyq jedel járdem aýrýhanasyna 21 jastaǵy stýdent tústi. Ol pyshaqtan jaraqat alǵan.
«Saqtaǵan Báiishev ýniversiteti men Aqtóbe bailanys jáne elektrotehnika kolledjiniń stýdentteri tóbelesip, biri jaralandy. Oqiǵa ornyna jedel tergeý toby jetti. Biri 2 kýrs, ekinshisi 3 kýrs stýdenti. Kúdikti ustaldy. Qazir Qylmystyq kodekstiń «Adam óltirýge oqtalý» baby boiynsha is qozǵalyp, tergeý bastaldy. Osy oqiǵadan soń oblystyq PD bastyǵynyń birinshi orynbasary Qanat Áliev stýdenttermen kezdesý ótkizdi», - dep habarlady oblystyq PD baspasóz qyzmetiniń jetekshisi Erbolat Sarqulov.
Aita keteiik, jyl basynan beri kámeletke tolmaǵan jasóspirimder 7 urlyq, 5 buzaqylyq, 4 tonaý, 2 alaiaqtyq qylmys jasady. Barlyǵy 29 jasóspirim qylmystyq jaýapqa tartylǵan.
«Ótken aida Aqtóbe bailanys jáne elektrotehnika kolledjine kelip, qylmystyń aldyn alý jaiyn, zańda qarastyrylǵan jaza týraly aitqan bolatynbyz. Biraq jastar bile tura taǵy qylmys jasady», - dedi oblystyq PD bastyǵynyń birinshi orynbasary Qanat Áliev.
Aldaǵy ýaqytta oqý orny kóp shoǵyrlanǵan bul aýmaqqa beinebaqylaý kameralaryn ornatpaq.
