اقتٶبەدە كوللەدج بەن ۋنيۆەرسيتەت ستۋدەنتٸ تٶبەلەسٸپ, بٸرٸ ەكٸنشٸسٸنە پىشاق سۇعىپ الدى, دەپ حابارلايدى "ۇلت اقپارات".
قىلمىستىق وقيعا 3 ناۋرىز كٷنٸ تٸركەلدٸ. وبلىستىق جەدەل جەردەم اۋرۋحاناسىنا 21 جاستاعى ستۋدەنت تٷستٸ. ول پىشاقتان جاراقات العان.
«ساقتاعان بەيٸشەۆ ۋنيۆەرسيتەتٸ مەن اقتٶبە بايلانىس جەنە ەلەكتروتەحنيكا كوللەدجٸنٸڭ ستۋدەنتتەرٸ تٶبەلەسٸپ, بٸرٸ جارالاندى. وقيعا ورنىنا جەدەل تەرگەۋ توبى جەتتٸ. بٸرٸ 2 كۋرس, ەكٸنشٸسٸ 3 كۋرس ستۋدەنتٸ. كٷدٸكتٸ ۇستالدى. قازٸر قىلمىستىق كودەكستٸڭ «ادام ٶلتٸرۋگە وقتالۋ» بابى بويىنشا ٸس قوزعالىپ, تەرگەۋ باستالدى. وسى وقيعادان سوڭ وبلىستىق پد باستىعىنىڭ بٸرٸنشٸ ورىنباسارى قانات ەليەۆ ستۋدەنتتەرمەن كەزدەسۋ ٶتكٸزدٸ», - دەپ حابارلادى وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, جىل باسىنان بەرٸ كەمەلەتكە تولماعان جاسٶسپٸرٸمدەر 7 ۇرلىق, 5 بۇزاقىلىق, 4 توناۋ, 2 الاياقتىق قىلمىس جاسادى. بارلىعى 29 جاسٶسپٸرٸم قىلمىستىق جاۋاپقا تارتىلعان.
«ٶتكەن ايدا اقتٶبە بايلانىس جەنە ەلەكتروتەحنيكا كوللەدجٸنە كەلٸپ, قىلمىستىڭ الدىن الۋ جايىن, زاڭدا قاراستىرىلعان جازا تۋرالى ايتقان بولاتىنبىز. بٸراق جاستار بٸلە تۇرا تاعى قىلمىس جاسادى», - دەدٸ وبلىستىق پد باستىعىنىڭ بٸرٸنشٸ ورىنباسارى قانات ەليەۆ.
الداعى ۋاقىتتا وقۋ ورنى كٶپ شوعىرلانعان بۇل اۋماققا بەينەباقىلاۋ كامەرالارىن ورناتپاق.
