Aqtóbe soǵys ardagerlerine 2 million teńgeden beriledi. Oblys boiynsha qazir 20 maidangerdiń kózi tiri, dep habarlaidy "Ult aqparat".
Óńirlik kommýnikatsiialar qyzmeti taratqan málimetke súiensek, oblysta 6 706 soǵys jáne eńbek ardageri turady. Olardyń 20-y soǵys ardageri, 1714 - i Ekinshi dúniejúzilik soǵysqa qatysýshylary men múgedekterine teńestirilgen, 4693-i tyl eńbekkeri, 279-y qaitys bolǵan jaýyngerlerdiń jesiri.
«Ekinshi dúniejúzilik soǵysqa qatysýshylary men múgedekterge 2 mln teńgeden berilse, soǵys kezinde maidandaǵy armiia quramyna kirgen áskeri bólimderde, shtabtarda eńbek etken adamdarǵa, qorshaýdaǵy kezeńinde Leningrad qalasynyń kásiporyndarynda, mekemeleri men uiymdarynda jumys istegen jáne «Leningradty qorǵaǵany úshin» medalimen ári «Qorshaýdaǵy Leningrad turǵyny» belgisimen nagradtalǵan azamattar, aýǵan soǵysynyń ardagerleri, 1986-1987 jyldary Chernobyl AES-indegi apattyń, sondai-aq azamattyq nemese áskeri maqsattaǵy obektilerdegi basqa da radiatsiialyq apattar men avariialardyń zardaptaryn joiýǵa, sondai-aq iadrolyq synaqtar men jattyǵýlarǵa tikelei qatysqan adamdarǵa 100 myń teńgeden bólindi. Soǵys jyldarynda tyldaǵy janqiiarlyq eńbegi men minsiz qyzmeti úshin burynǵy KSR Odaǵynyń ordenderimen jáne medaldarymen marapattalmaǵan adamdarǵa 50 myń teńgeden tólenedi», - dep habarlady óńirlik kommýnikatsiialar qyzmeti.
