Aqtóbede reseilik jáne armian kóliginiń nómirin sheship alyp, áleýmettik jeli arqyly satqan top ustaldy. Olardyń arasynda jasóspirim de bar, dep habarlaidy "Ult aqparat".
Politsiia qyzmetkerleri 4 adamdy ustady. Bireýi kámelet jasqa tolmaǵan.
«Jastar dabyl jáne beinebaqylaý kamerasymen jabdyqtalmaǵan avtokólikterden memlekettik nómirdi urlaǵan. Keiin avtokóliktiń aldyńǵy áinegine nómirdi aqshalai syiaqyǵa qaitara alatynyn habarlap, tildei qaǵaz tastap ketken. «Telegramm» áleýmettik paraqshasyna habarlasýdy suraǵan. Urlanǵan memlekettik nómir úshin kúdiktiler 20 - 50 myń teńge kóleminde aqsha suraǵan. Jábirlenýshiler politsiiaǵa tez arada júgindi. Keibiri nómirlerin satyp alǵannan keiin ǵana politsiiaǵa aryzdanǵan. Barlyǵy 40-qa jýyq adam zardap shekken. Qazir QK-niń 190-baby 2-bóligi «Alaiaqtyq» boiynsha sotqa deiingi tergeý bastaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Qazirgi kezde 4 kúdiktiniń ekeýi ustaldy, ekeýine izdeý jariialandy.
