Foto: ashyq derekkóz
Aqtóbede sot psihotroptyq zattardyń zańsyz ainalymymen ainalysqan jergilikti turǵynǵa qatysty úkim shyǵardy, dep habarlaidy Ult.kz.
Turaqty jumys orny joq er adamnyń internet-resýrstar men Telegram messendjeri arqyly belgisiz tulǵalarmen sóz bailasqany anyqtaldy. Ol qala aýmaǵynda «jasyryn oryndar» (betpe-bet kelmeitin ádis) arqyly psihotroptyq zattardy ótkizýdi uiymdastyryp, árbir salynǵan zat (zakladka) úshin aqy alyp otyrǵan.
Sot kináli adamǵa jazasyn qylmystyq-atqarý júiesiniń ortasha qaýipsizdik mekemesinde óteýmen 7 jylǵa bas bostandyǵynan aiyrý jazasyn taǵaiyndady. Úkim zańdy kúshine engen joq.
Kólik prokýratýrasy esirtki jáne psihotroptyq zattardyń zańsyz ainalymy úshin qatań qylmystyq jaýapkershilik qarastyrylǵanyn eskertedi jáne azamattardy qyraǵy bolýǵa shaqyrdy.
