Aqtóbelik muǵalimder balalaryna oramal taqqyzǵan ata-analardy sotta jeńip shyqty, dep habarlady Almaty telearnasy.
Telearnanyń habarlaýynsha, bul óńirde oramaldy oqýshylardyń ata-analaryna jappai aiyppul salynyp jatyr. Qarshadai balalardyń basyna shyt taqqyzǵan ata-analar №49, 8, 36 jáne №13 mektep ustazdaryn sotqa bergen. Biraq sot mekteptiń ishki tártibine kedergi keltirgen ata-analardyń shaǵymyn qanaǵattandyrmaǵan. Kerisinshe, balasyn oqýǵa jibermei qasarysqandarǵa - 5 myń, qarsy shyǵý qaitalansa 10 024 teńgeden asa aiyppul salynady.
Oblystyń bas ustazy Lázzat Orazbaevanyń málimetinshe, oramaldy sheshýge kelispegen 15-ten asa ata-ana balalaryn alyp Almaty men Shymkent qalalaryna kóship ketken.
"Oblysta mektep jasyndaǵy 134 myń bala bar. Olardyń ishinde 162 oqýshy oramaldaryn sheshti. Oramal taqqan taǵy 178 oqýshy qalyp otyr. Qalǵan ata-analarda jaǵdaidy túsinedi dep oilaimyz. Balanyń sabaqqa kelmegeni úshin ata-ana jaýap beredi", - dedi Aqtóbe oblysy bilim basqarmasynyń basshysy Lázzat Orazbaeva.
