Jańajol ken ornyndaǵy munai qaldyǵyna arnalǵan rezervýar dánekerleý jumystary kezinde órtendi, dep habarlaidy "Ult aqparat".
«SNPS-Aqtóbemunaigaz» AQ-nyń Jańajol munai-gaz óńdeý kesheninde rezervýar órtendi. Oqiǵa 8 qańtar kúni saǵat 18:20-da tirkeldi. Órt arada 4 saǵat ótkende sóndirildi.
«Kólemi 3 000 tekshe metr bolatyn munai qaldyǵyna arnalǵan rezervýar órtendi. Rezervýar qoldanylmaidy, avariialyq jaǵdaiǵa arnalǵan. Órtti sóndirýge 8 tehnika men 35 adam jumyldyryldy. Qosymsha TJD bastyǵynyń mindetin ýaqytsha atqarýshy A.Tóleshevtiń basshylyǵymen Aqtóbe qalasynan 25 qyzmetker men 5 tehnika jiberildi. Órt saǵat 22:59-da tolyq sóndirildi. Qaza bolǵandar men zardap shekkender joq. Órttiń shyǵý sebebi – dánekerleý jumystaryn júrgizý kezinde órt qaýipsizdigi erejelerin saqtamaý»,- dep habarlady oblystyq TJD baspasóz qyzmeti.
