جاڭاجول كەن ورنىنداعى مۇناي قالدىعىنا ارنالعان رەزەرۆۋار دەنەكەرلەۋ جۇمىستارى كەزٸندە ٶرتەندٸ, دەپ حابارلايدى "ۇلت اقپارات".
«سنپس-اقتٶبەمۇنايگاز» اق-نىڭ جاڭاجول مۇناي-گاز ٶڭدەۋ كەشەنٸندە رەزەرۆۋار ٶرتەندٸ. وقيعا 8 قاڭتار كٷنٸ ساعات 18:20-دا تٸركەلدٸ. ٶرت ارادا 4 ساعات ٶتكەندە سٶندٸرٸلدٸ.
«كٶلەمٸ 3 000 تەكشە مەتر بولاتىن مۇناي قالدىعىنا ارنالعان رەزەرۆۋار ٶرتەندٸ. رەزەرۆۋار قولدانىلمايدى, اۆارييالىق جاعدايعا ارنالعان. ٶرتتٸ سٶندٸرۋگە 8 تەحنيكا مەن 35 ادام جۇمىلدىرىلدى. قوسىمشا تجد باستىعىنىڭ مٸندەتٸن ۋاقىتشا اتقارۋشى ا.تٶلەشەۆتٸڭ باسشىلىعىمەن اقتٶبە قالاسىنان 25 قىزمەتكەر مەن 5 تەحنيكا جٸبەرٸلدٸ. ٶرت ساعات 22:59-دا تولىق سٶندٸرٸلدٸ. قازا بولعاندار مەن زارداپ شەككەندەر جوق. ٶرتتٸڭ شىعۋ سەبەبٸ – دەنەكەرلەۋ جۇمىستارىن جٷرگٸزۋ كەزٸندە ٶرت قاۋٸپسٸزدٸگٸ ەرەجەلەرٸن ساقتاماۋ»,- دەپ حابارلادى وبلىستىق تجد باسپاسٶز قىزمەتٸ.
