Aqtóbede 17 jastaǵy qyz ben 18 jastaǵy jigit joǵary qabattan sekirip, kóz jumdy, dep habarlaidy "Ult aqparat".
21 qarasha kúni Aqtóbe qalalyq Politsiia basqarmasy Jedel basqarý ortalyǵyna qala turǵyny habarlasyp, qyzynyń joǵalyp ketkenin aitqan. Al 22 qarashada saǵat 7:00-de qaladaǵy 11-yqshamaýdanda ornalasqan №112 «V» úiiniń aýlasynan eki jas adamnyń múrdesi tabylǵan. Tekserý kezinde onyń biri joǵalǵan 17 jastaǵy qyz jáne onyń 18 jastaǵy dosy ekendigi anyqtaldy. Qyz ben jigit 25 qabatty úi kireberisiniń balkonynan sekirgen.
«Politsiia qyzmetkerleri qaza bolǵandardyń jeke zattaryn tárkiledi. Óz-ózine qol salý faktisiniń sebebin anyqtaý maqsatynda tekserý júrgizilip jatyr. Sot-meditsinalyq saraptamalar taǵaiyndaldy. Atalǵan fakti Qylmystyq kodekstiń «Ózin-ózi óltirýge deiin jetkizý» baby boiynsha tirkeldi», - dep habarlady oblystyq Politsiia dshepartamentiniń baspasóz qyzmetinen.
«Qurby-qurdastary nemese ata-analary arasynda bolatyn janjal, bolashaq úshin qorqynysh jáne jalǵyzdyq sezimi qaiǵyly jaǵdaiǵa sebep bolyp jatady. Ata-analar bala boiyndaǵy ózgeriske birden nazar aýdarýy kerek. Ózara áńgimelesip, sóilesý, máselelerdi talqylaý, olardy sheshýge úiretý, balanyń ómirge qushtarlyǵyn oiatýy tiis. Eger sizdiń qolyńyzdan kelmese, mamandardan kómek suraýǵa qymsynbańyz», - dedi Aqtóbe oblysy PD bastyǵy Atyǵai Arystanov.
