Aqtóbede uzaq ýaqyt boiy jalǵan shot-faktýra jazýmen ainalysqan qylmystyq top quryqtaldy, dep habarlaidy "Ult aqparat" Qarjy monitoringi komiteti baspasóz qyzmetine silteme jasap.
Komitettiń Aqtóbe oblysy boiynsha ekonomikalyq tergeý basqarmasy «STOP-Obnal» jedel profilaktikalyq sharalar sheńberinde uzaq ýaqyt boiy naqty jumys jasamai, qyzmet kórsetpei jáne taýarlardy jóneltpei jalǵan shot-faktýra jazýmen ainalysqan qylmystyq toptyń jolyn kesti.
«Kúdiktiniń dostary men týystary atyna tirkelip, basqa da seriktestikterge qyzmet kórsetildi nemese taýar jetkizildi degen derekpen 15 kásiporyndy tirkeýge/qaita tirkeýge qala turǵynynyń qatysqany anyqtaldy. Zańsyz áreketterdiń nátijesinde memleketke tólenbegen salyq men biýdjet tólemder túrinde 3,5 milliard teńgeden astam kólemde asa iri zalal keltirgen», delingen habarlamada.
Qylmystyq kodekstiń QK 216-baby 3-bólimi boiynsha tergeý amaldary júrgizilip, qazirgi tańda qylmystyq is sotqa joldandy.
