Aqtóbede indet juqtyrǵan úshinshi turǵyn anyqtaldy. Ol Almaty arqyly Mysyrdan kelgen, dep habarlaidy "Ult aqparat".
«Keshe keshkilik úshinshi adamnan koronavirýs infektsiiasy tirkeldi. Er adam 13-19 naýryz aralyǵynda Mysyrda bolyp, 19 naýryzda Almatyǵa keldi. Almatydan 20 naýryz kúni Aqtóbege ushyp kelip, úi karantininde boldy. Al 29 naýryz kúni qyzýy kóterilip, tamaǵy aýyryp, jedel járdem shaqyrdy. Odan birden analiz alynyp, indet anyqtaldy. Infektsiialyq aýrýhanada arnaiy boksqa jatqyzyldy. Úiindegi anasy da provizorlyq gospitalge jatqyzyldy, Naýqastyń jaǵdaiy qanaǵattanarlyq, em qabyldap jatyr», - dedi oblystyq taýarlar men qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
Aita keteiik, bortta onymen birge 21 adam bolǵan. Onyń bári anyqtaldy, analiz alyndy.
«Ushyp kelgen kezde odan analiz alyndy. Biraq teris nátije kórsetti. Arada ýaqyt ótkende virýs belgisi kórindi», - dedi oblystyq densaýlyq saqtaý basqarmasynyń basshysy Áset Qaliev.
