Aqtóbede koronavirýs tabylǵan adammen qarym-qatynasta bolǵandardyń barlyǵy oqshaýlandyryldy. Bul týraly Aqtóbe oblystyq densaýlyq saqtaý basqarmasynyń basshysy Áset Qaliev aitty, dep habarlaidy "Ult aqparat".
«Qazirgi tańda Aqtóbe oblysynda koronavirýs infektsiiasyna bailanysty epidemiologiialyq jaǵdai turaqty. Búginde oblysymyzda bir naýqasta koronavirýstyq infektsiia anyqtaldy. Ol naýqas 22 naýryz kúni shetelden kelgen. Naýqasty birden infektsiialyq aýrýhanaǵa oqshaýlaǵan edik. Zerthanalyq tekserý barsynda turǵynymyzdan koronavirýs infektsiiasy anyqtaldy. Qazirgi ýaqytta naýqastyń jaǵdaiy turaqty. Qajetti emdik is-sharalar júrgizilip jatyr. Osy naýqaspen bailanysta bolǵan barlyq turǵyndardy oqshaýlaý jumysyn aiaqtadyq», - dedi Áset Qaliev «Habar 24» telearnasynyń tikelei efirinen.
Onyń dereginshe, Aqtóbe oblysynda statsionarlyq karantinde 68, úi karantininde 38 turǵyn jatyr. Olardyń barlyǵynyń jaǵdaiyn dárigerler kúndelikti baqylaýda ustap otyr.
«Biz kóshege shyǵýdy, qoǵamdyq oryndarǵa barýdy barynsha shekteý arqyly ǵana densaýlyǵymyzdy qorǵai alamyz. Koronavirýs infektsiiasymen kúrestiń eń tiimdi ádisi - adamdar arasyndaǵy bailanysty meilinshe azaitý. Uiymdardyń, mekemelerdiń, úlken saýda oryndarynyń, emdeý mekemeleriniń basshylary sanitarlyq normalardy qatań saqtaýymyz tiis», - dedi ol.
Eske salsaq, keshe Aqtóbe oblysynda koronavirýs juqtyrýdyń alǵashqy oqiǵasy tirkelgeni týraly habarlaǵan bolatynbyz.
