Aqtóbede kópqabatty úidiń balkony órtendi. Órt sóndirýshiler 60 adamdy evakýatsiialady, dep habarlaidy QazAqparat.
Aqtóbe qalasy Ábilqaiyr han dańǵylynda ornalasqan 9 qabatty úidiń balkonynan órt shyqty. Oqiǵa ornyna oblystyq tótenshe jaǵdailar departamentinen 57 adam 10 tehnika jumyldyryldy.
«Shaqyrtý túsken soń biz oqiǵa ornyna bes minýtta jettik. Barlyǵy 60 adam evakýatsiialanyp, 10 adam qutqarý satysy arqyly tómen túsirildi. 9 qabatty úidiń tórtinshi qabatynan bastap órt shyqqan. Tek balkondar jandy. Qazirgi kezde órttiń shyǵý sebebi anyqtalyp jatyr», - dedi oblystyq TJD bastyǵy Marǵulan Amanbaev.
Aita keteiik, órt týraly habarlama saǵat 16:50-de túsip, qyzmetkerler oqiǵa ornyna bes minýtta jetedi. Olar órtti 17:05-te sóndirdi.
