اقتٶبەدە كٶپقاباتتى ٷيدٸڭ بالكونى ٶرتەندٸ. ٶرت سٶندٸرۋشٸلەر 60 ادامدى ەۆاكۋاتسييالادى, دەپ حابارلايدى قازاقپارات.
اقتٶبە قالاسى ەبٸلقايىر حان داڭعىلىندا ورنالاسقان 9 قاباتتى ٷيدٸڭ بالكونىنان ٶرت شىقتى. وقيعا ورنىنا وبلىستىق تٶتەنشە جاعدايلار دەپارتامەنتٸنەن 57 ادام 10 تەحنيكا جۇمىلدىرىلدى.
«شاقىرتۋ تٷسكەن سوڭ بٸز وقيعا ورنىنا بەس مينۋتتا جەتتٸك. بارلىعى 60 ادام ەۆاكۋاتسييالانىپ, 10 ادام قۇتقارۋ ساتىسى ارقىلى تٶمەن تٷسٸرٸلدٸ. 9 قاباتتى ٷيدٸڭ تٶرتٸنشٸ قاباتىنان باستاپ ٶرت شىققان. تەك بالكوندار جاندى. قازٸرگٸ كەزدە ٶرتتٸڭ شىعۋ سەبەبٸ انىقتالىپ جاتىر», - دەدٸ وبلىستىق تجد باستىعى مارعۇلان امانباەۆ.
ايتا كەتەيٸك, ٶرت تۋرالى حابارلاما ساعات 16:50-دە تٷسٸپ, قىزمەتكەرلەر وقيعا ورنىنا بەس مينۋتتا جەتەدٸ. ولار ٶرتتٸ 17:05-تە سٶندٸردٸ.
