Aqtóbede qoǵamdyq kólik baǵytyn ózgertip, dúkenge baryp soǵyldy, dep habarlaidy QazAqparat.
Búgin tańerteń Aqtóbe qalasyndaǵy Sherniiaz jáne Ýálihanov kósheleriniń qiylynsynda jol-kólik oqiǵasy boldy. №7 baǵyttaǵy avtobýs aldymen qorshaýǵa soǵylyp, keiin dúkenge soǵylǵan.
«Avtobýs salonynda jolaýshylar bolǵan joq. Eshkim zardap shekpedi. Qazir tekserý júrgizilip jatyr. Júrgizýshiniń aitýynsha, tejegish isten shyqqan», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, avtobýs soqqan dúkende balalar kiimi satylady. Onyń terezesi qirady. Al janyndaǵy uialy telefon jóndeý ornynyń qasbeti búlindi.
