Foto: Nur.kz
Áleýmettik jelilerde Aqtóbede qaza bolǵan sarbazdyń anasynyń videoúndeýi jariialandy. Ol qoǵamnan ulynyń óz-ózine qol jumsaýǵa jetkizilgeni týraly aqparatty taratpaýdy ótindi.
Anasynyń aitýynsha, uly 2024 jyldyń sáýir aiynan bastap Aqtóbede boryshyn atqarǵan. Qyzmet barysynda eshqandai shaǵym bolmaǵan, uly jii habarlasyp turǵan.
«Ata-analar men qyzdardan ótinish — ótinemin, syrttan keletin jaǵymsyz aqparattardan balalarymyzdy qorǵańyzdar, olar jamandyq týraly oilamai, boryshyn tynysh atqarsyn», — dedi ol.
Sondai-aq ol balasynyń máiitin tanyǵan kezde denesinde uryp-soǵý belgileri bolmaǵanyn aityp, ádil tergeýge úmit artatynyn jetkizdi.
Eske salaiyq, 23 qarashada Aqtóbe garnizonynyń áskeri bólimderiniń birinde qaraýyldyq qyzmette turǵan sarbazdyń máiiti tabyldy. Garnizonnyń baspasóz qyzmeti onyń qaraýylda turǵan kezde ózine bekitilgen qarýdan oq atqanyn habarlady.
Qazirgi ýaqytta qaza tabý faktisi boiynsha qylmystyq is qozǵaldy.
